Москвада янгиликлар миллий хизмати муҳаррири Александр Рубцов ўз хонадонида ўлдириб кетилди. Бу ҳақда агентлик сайтида хабар қилинди

“Бизнинг дўстимиз ва биродаримиз, янгиликлар миллий хизмати муҳаррири Александр Рубцов ҳалок бўлди. У 35 ёшда эди. Охирги икки йил давомида унинг овозини “Наше радио”, Rock FM, Best FM ва “Радио JAZZ” радиостанцияларида тинглагансиз”, - дейилади хабарда. 

Қотиллик 3 май куни содир этилган. Унинг танасида кўплаб тиғ жароҳатлари ҳамда зарба излари топилган. 

29 апрель куни Александ Рубцов сўнгги марта эфирга чиққан.