Олимпиада ўйинлари тарихида илк марта она ва бола спортчилар жуфтлиги иштирок этади

Спорт 05 Май 2016 5158

Грузиялик мерган спортчилар Нино Салуквадзе ва Цотнэ Мачавариани 2016 йилнинг ёзида Бразилияда ўтадиган ёзги олимпиада йўлланмасига эга бўлишди. "Олимпстатс" нашри маълумотига кўра, пневматик тўппончадан ўқ узиш бўйича мусобақаларда иштирок этадиган бу спортчилар Олимпиада ўйинлари тарихига илк она-бола дуэти сифатида киради.

18 ёшли Мачавариани учун бу фаолиятидаги илк олимпиада. Унинг 47 ёшли онаси Салуквадзе эса бунгача 7 марта олимпиада ўйинларида иштирок этишга улгурган. Унинг ҳисобида олимпиада ўйинларида олинган 3та медаль ҳам бор (биттадан олтин, кумуш ва бронза медаллари).

Рио-де-Жанейро Олимпиадаси шу йилнинг 5-21 август кунларида бўлиб ўтади.

Кўпроқ янгиликлар