Расмий Вашингтон Россия билан Сурияда сиёсий ўтиш даврини бошлаш бўйича ҳамкорлик қилади

Жаҳон 05 Май 2016 1849

АҚШнинг БМТдаги доимий вакили Саманта Пауэр Хавфсизлик Кенгашининг  Ҳалаб шаҳридаги вазият юзасидан ўтказилган йиғилишида баёнот беришича, расмий Вашингтон Россия билан Сурияда батамом сулҳга эришиш ҳамда сиёсий ўтиш даврини бошлаш бўйича ҳамкорлик қилади. Аммо айни ўтиш даврида Сурия президенти Башар Асадга ўрин ажратилмаслиги керак. 

Унинг қайд этишича, Вашингтон маъмурияти Россия ва Эроннинг Сурия раҳбариятига зиммасидаги мажбуриятиларини адо этишини талаб қилиб босим ўтказишини интиқлик билан кутмоқда. Унга кўра, расмий Дамашқ жанговар ҳаракатларни тўхтатиб, аҳолига гуманитар ёрдам кўрсатиш учун ҳеч қандай тўсиқ қолдирмаслиги керак. 

"Ўз навбатида, АҚШ ҳам мухолифатга шу мақсадда босим ўтказишда давом этади. Биз россиялик ҳамкасбларимиз билан Суриянинг Ҳалаб шаҳри ва бошқа ҳудудларида ҳақиқий ва мустаҳкам тинчлик ўрнатилиши учун ҳамкорлик қиламиз. Шунингдек, Сурияда сиёсий ўзгаришларга Асадсиз эришиш ниятидамиз. Бу ушбу урушни якунлашнинг ягона йўлидир", - деган америкалик дипломат.

Саманта Пауэр хоним бошқа Ғарб мамлакатлари доимий вакиллари сингари Ҳалабдаги воқеалар учун жавобгарликни Дамашқ зиммасига юклади. "Айни сиёсий режим мазкур қуролли зиддиятда ҳалок бўлган 400 минг кишининг аксарияти учун ҳам масъулдир". 

Унинг сўзларига кўра, Сурия армияси Ҳалаб ғарбий туманларини жангарилардан озод этиш бўйича ҳарбий амалиётни бошлаган 22 апрелда шаҳарга 300 дан ортиқ авиазарбалар берган. Унинг қайд этишича, 7 минг йиллик тарихга эга, даҳшатли зилзила ва мўғул-татар босқинларига бардош берган Ҳалаб бугунги кунда вайроналар остида қолмоқда. 

АҚШ давлат департаменти Ҳалабда "сокинлик тартиби"ни, шунга ўхшаш қарор Латақия ва Дамашқда ўз самарасини кўрсатгач, такроран жорий этиш бўйича Россия билан келишиб олингани хусусида хабар қилган эди. 

РФ мудофаа вазирлиги ушбу тартиб кучга киргани ва 5 май ярим тунгача давом этишини тасдиқлади. Сурия раҳбарияти ҳам ушбу келишувга риоя этишини маълум қилди. 
БМТ ХК йиғилишида Россия доимий вакили Виталий Чуркиннинг айтишича "сокинлик тартиби"ни 3 майдаёқ амалга киритиш режалаштирилган, аммо террорчиларнинг кенг қамровли ҳужуми сабаб бунинг иложи бўлмаган. 

Дипломатнинг қайд этишича, Москва ва Вашингтон Суриядаги танг вазиятни юмшатиш ниятида.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33942 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72105 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10423 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 135971 Жамият
Бундеслига. «Лейпциг» «Шальке»дан мағлуб бўлди
00:26 236 Спорт
KUN.UZ Тошкент вилоятига ташриф буюради. Савол ва таклифлар қабул қилинмоқда
Барча замонларнинг энг яхши қора танли спортчилари рўйхати тузилди
23:56 / 19.08.2017 2375 Спорт
АПЛ. «Арсенал» мағлубиятга учради
23:50 / 19.08.2017 990 Спорт
Месси ҳам «Барселона»ни тарк этиши мумкин
23:30 / 19.08.2017 6025 Спорт
Эрдўған Германия ташқи ишлар вазирига “жойини билишни” маслаҳат қилди
23:17 / 19.08.2017 2614 Жаҳон
Кўпроқ янгиликлар