Россия ва Хитой биринчи марта ракетага қарши компьютер машғулотлари ўтказади

Жаҳон 05 Май 2016 62367

Россия ва Хитой яқин ҳафталарда биринчи маротаба компьютер моделлаштириши ёрдамида ракетага қарши қўшма машғулотларни ўтказади.

Гонконгнинг South China Morning Post нашрининг Хитой мудофаа вазирлигига иқтибос келтирган ҳолда маълум қилишича, машғулотлар Россиянинг ҳарбий-тадқиқот марказларидан бирида ўтади.

Икки давлат мудофаа вазирликлари биргаликдаги машғулотлар учинчи давлатларга қаратилмаганини таъкидлаб ўтди ва газетанинг ёзишича, улардан мақсад "баллистик ёки қанотли ракеталарни қўллаш ёрдамида иғвогар ракета ҳужумларидан ҳимояланишни таъминлашдан" иборат.

Бироқ хитойлик экспертларнинг таъкидлашича, томонлар машғулотларнинг ўтказилишини АҚШ Жанубий Кореяда ўзининг ракеталарга қарши тизими THAAD’ни (ҳарбий ҳаракатлар саҳнасида юқори зонал мудофаа) жойлаштирмоқчи эканлигини тасдиқлагандан кейин эълон қилдилар.

Хитой газетаси томонидан сўралган экспертлар THAAD "ҳам Хитой, ҳам Россияга хавф солишига" шубҳаланмасликларини айтишган. Истеъфодаги полковник Юэ Ганнинг айтишича, "бу қўшма машғулотлар АҚШга огоҳлантириш бўлади ҳамда Россия ва Хитойнинг ракета тизимлари масаласи бўйича келишувга эришилганидан кейинги ҳарбий ҳамкорлигининг бошланишини билдиради". 

Ўтган ҳафтада Хитой ва Россия ташқи ишлар вазирлари Ван И ва Сергей Лавров Вашингтон ва Сеулни Шимолий Кореянинг ядровий ва баллистик ракеталар синовларига жавобан THAAD тизимини ўрнатишдан воз кечишга чақирганди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 8285 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 8992 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9785 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 34949 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51612 Жамият
ОАВ: АҚШ Хитой фирмаларининг активларини музлатиб қўймоқда
12:24 10 Жаҳон
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
12:13 236 Жамият
Остона жараёни доирасидаги Сурия бўйича янги учрашув Остонада ўтказилмайди
12:10 182 Жаҳон
Тошкент вилояти аграрчилари қишлоқ хўжалиги техникаси билан таъминланади
Ўзбекистонлик йигит АҚШдаги фильмлар танловида ғолиб бўлди
Кўпроқ янгиликлар