АҚШ Покистон махсус хизматлари МРБ жосусини заҳарламоқчи бўлганини гумон қилмоқда

Жаҳон 06 Май 2016 2606

АҚШнинг тахмин қилишича, Америка махсус бўлинмаси 2011 йил май ойида "Ал-Қоида" гуруҳи етакчиси Усома бин Лодинни ўлдирганидан сўнг, Покистон махсус хизматлари Исломбоддаги Америка жосусини заҳарлашга уринган. 

Американинг бир неча расмийлари The Washington Post газетасида шу ҳақда маълум қилиб, 5 йил муқаддам икки мамлакат ўртасидаги муносабатлар ўта кескинлашган, Покистон бирлашган разведкаси эса АҚШ махсус хизматлари билан ҳамкорлик қилишдан бош тортганини ёдга олишган. 

Уларнинг сўзларига кўра, "биринчи рақамли террорчи" ўлдирилганидан сўнг 2 ой ўтиб, МРБнинг Покистондаги бўлинмаси раҳбари Марк Келтон сабаби ҳозиргача номаълум бўлган хасталик билан шифохонага тушиб қолган. 

"Касаллик шунчалик сирли эдики, Келтоннинг ўзи ҳам МРБ ҳам унинг заҳарланганини ўйлашган", - дейилади газета сайтида эълон қилинган мақолада. 
Шундан сўнг, истеъфога чиққан Марк Келтоннинг ошқозонида амалиёт ўтказилгач, аҳволи яхшиланган. 

Бироқ "МРБ ҳамон Келтоннинг тўсатдан касал бўлишига Покистон разведкаси томонидан уюштирилган махфий амалиётни тахмин қилади".

Нашрнинг ёзишича, МРБ Келтон воқеасига оид аниқ далилларга эга эмас, аммо "Покисон махсус хизматлари журналистлар, дипломатлар ва ўз рақиблари деб билган бошқа кишиларга нисбатан уюштирилган суиқасдларда қўли борлиги бир неча маротаба исботланган ва Келтонга ҳам совуқ муносабатда бўлган".

Айтиш жоизки, МРБ ушбу мавзуга оид расмий изоҳ беришдан бош тортган. Ўз навбатида, Покистон ҳукумати Келтон ва бошқа америкалик расмийлар билдирган тахминларни кескин рад этган. Покистоннинг Вашингтондаги элчихонаси матбуот котиби Надим Хотиан "бу воқеа аниқ тўқиб чиқарилган", - деб баёнот берган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34784 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73286 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10834 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 137955 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 724 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2754 Жамият
Виталий Денисов футболга қайтганидан хурсанд
02:29 1626 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2009 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар