Интернет-савдо билан шуғулланувчи Amazon компанияси янги ходимларга тўланадиган иш ҳақи миқдорининг юқорилиги бўйича Буюк Британияда 1-ўринни эгаллади. Бу ҳақда IB Times хабар бермоқда.

Emolument.com компанияси ўтказган сўровномага кўра, ходим компанияга ишга кирганда йилига 90 минг фунт стерлинг (135 минг доллар) иш ҳақини ўз ичига олувчи бир йиллик пакет билан таъминланади. Бу пуллардан 15 фоизи яхши ишлаганлик учун бонусни ташкил қилади.

Бу борада 2-ўринни ёш ходимлар учун йилига 83 минг фунт стерлинглик (120 минг доллар) ойлик билан Apple, 3-ўринни эса йилига 73 минг фунт стерлинглик (105 минг доллар) иш ҳақи билан Google эгаллади.

Бундан ташқари, янги ходимларга энг кўп иш ҳақи тўловчи компанияларнинг ўнталигидан Cisco, Microsoft, Oracle, Telefonica, Orange, SAP ва IBM компаниялари ҳам ўрин олди.