Япониянинг Toyota Motor Corp. автогиганти мамлакатдаги барча ишлаб чиқариш корхоналари фаолиятини тўлиқ ҳажмда қайта тиклади, деб эълон қилган корпорациянинг Айти префектурасидаги бош қароргоҳида. 

Маълумки, апрель ойи ўрталарида мамлакат жануби-ғарбида бир неча марта юз берган кучли ер силкинишларидан сўнг, компания раҳбарияти бутловчи қисмлар етказиб беришда узилишлар бўлиши эҳтимоли туфайли ишлаб чиқаришни вақтинча тўхтатишга аҳд қилган эди. 

Компания раҳбарияти, Кумамото префектурасидаги кетма-кет ер силкинишлари сабаб ушбу ҳудуддаги муҳим заводи фаолиятини тўхтатишга мажбур бўлган эди. Шундан сўнг, бутловчи қисмлар етказиб бериш узвийлиги бузилгани оқибатида Япониядаги бошқа асосий заводлар ҳам иш фаолиятини тўхтатганди. Шу билан бирга, Toyota Motor Corp. аста-секинлик билан вазиятни тиклаб, шу пайтгача ишламаётган 5та заводини ҳам қайтадан ишга туширган. 

Кюсю оролида юз берган даҳшатли зилзилалар туфайли Mitsubishi Motors Corp. ва Honda Motor Co. заводлари ҳам тўхтаган эди.