БМТ: Суриядаги қочқинлар лагерига берилган ҳаво зарбалари ҳарбий жиноят сифатида қабул қилиниши мумкин

Жаҳон 06 Май 2016 9699

Суриянинг шимолидаги Идлиб вилояти ҳудудидаги қочқинлар лагерига ҳаво зарбалари берилиши оқибатида камида 30 киши ҳалок бўлган ва 80дан ортиқ киши жароҳатланган. Бу ҳақда БМТ бош котибининг инсонпарварлик масалалари бўйича ўринбосари Стивен О'Брайен маълум қилган.

У воқеа юзасидан зудлик билан текширув ўтказишга чақирган.

Лагерга берилган ҳаво зарбалари ҳақида бундан олдинроқ Associated Press агентлиги Суриядаги инсон ҳуқуқлари ҳимоячиларига асосланиб хабар тарқатганди. Манбалар бу ҳужум Сурия ҳукумати самолётлари томонидан амалга оширилганини таъкидлашган. Расмий Дамашқ эса бу хабарларни бир неча марта инкор этган.

Ҳужум оқибатида ҳалок бўлганларнинг аксари аёллар ва болалар экани, ҳудудда ўнлаб чодирлар яроқсиз аҳволга тушгани айтилган.

"Агар тинч аҳоли вакиллари устига қилинган бу ҳужум олдиндан режалаштирилган ҳолда амалга оширилган бўлса, бу ҳужум ҳарбий жиноят сифатида баҳоланади", деган О'Брайен.

У Суриядаги зиддиятнинг барча томонлари "халқаро гуманитар ҳуқуқларни бузмаслик тартибига риоя этиш зарурлигини англаши лозимлиги"ни айтган.

БМТ бош котиби ўринбосарининг айтишича, ҳарбий зиддият томонларининг барчаси тинч аҳоли вакилларига ҳужум қилишдан тийилиши зарурлигини таъкидлаган.

"Замонавий ҳарбий технологиялар эвазига бу борада хато қилиш эҳтимоллари деярли йўқ", дея ҳисоблайди у.

Қайд этилишича, шу йилнинг ўзида қуруқликдаги қуролли тўқнашувлар ва ҳаводан берилаётган зарбалар туфайли минглаб сурияликлар ўз уйларини ташлаб кетган. Яна миллионлаб кишилар эса қамал шароитида, озиқ-овқат таъминоти ҳамда тиббий ёрдамлардан узилиб қолган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34847 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73393 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 138099 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 770 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2987 Жамият
Виталий Денисов футболга қайтганидан хурсанд
02:29 1740 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2192 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Ла-лига. «Атлетико» бир киши кам бўлиб, мағлубиятдан қутулиб қолди
01:56 1399 Спорт
Кўпроқ янгиликлар