Тошкент шаҳар, Чилонзор туманининг 11-мавзесида Мираҳмад  Мирзаев  (исм-фамилиялар ўзгартирилган) шу туманда жойлашган хонадонлардан бирига ўғриликка тушиб, у ердан нархи 3000000 сўмлик тилла билагузук, 1500000 сўмлик “Комлерт” узуги ва зираги, нархи 400000 сўм ва 879000 сўмлик иккита тилла узук, 750000 сўмлик тилла сирғаларни олиб, қопига жойлади. Шунинг билан қаноатланмасдан, шкафнинг ёнида турган жавондан 1500000 сўм нақд  пулни ҳам ўғрилаб, вақтни қўлдан бой бермай, жуфтакни ростлади, — деб ёзади “Огоҳ” газетаси. 

Хонадон эгалари уйларига қайтгач, у ердаги тартибсизликни кўриб, ҳайрону лол қолишди. Улар дарҳол ўғрилик жинояти содир бўлгани ҳақида ички ишлар идорасига хабар бердилар. Суриштирув ҳаракатлари бошлаб юборилди. Жабрланувчи ва гувоҳларнинг кўрсатмалари тингланди. Рад этиб бўлмас далиллар қаршисида қолган Мираҳаднинг айбига иқрор бўлишдан ўзга чораси қолмади.