Ислом динига эътиқод қилувчи сиёсатчи Содиқ Хон Лондон шаҳрига мэр этиб сайланди

Жаҳон 06 Май 2016 13028

Лондон мэрлиги учун сайлов натижалари маълум бўлди. Унда лейбористлар вакили Содиқ Хон ғолиб чиқди. У Лондон шаҳри ҳокимлигига сайланган тарихдаги илк мусулмон сиёсатчига айланди.

Этник келиб чиқиши покистонлик бўлган Содиқ Хон, айни вақтда 46 ёшда. У ўтган асрнинг 60-йилларида Британияга муҳожир сифатида келган покистонлик оиланинг 8 фарзанди орасидаги бешинчиси ҳисобланади. У Лондоннинг жанубидаги қашшоқ туманда автобус ҳайдовчиси оиласида кичкина хонадонда вояга етган. У мактабдан кейин ва таътил вақтларида қурилишда ишлаган. 

Содиқ Хон – юрист, инсон ҳуқуқлари курашчиси. 2008 йилдан 2009 йилгача у маҳаллий ўз-ўзини бошқариш масалалари бўйича вазир бўлиб ишлаган, кейинроқ, 2009 йилдан 2010 йилгача Буюк Британия транспорт вазири лавозимини эгаллашган.

2013 ва 2015 йилларда Хон Буюк Британиядаги мусулмонлар орасида "йил сиёсатчиси" дея эътироф этилган. 

Унинг сайловолди дастуридаги асосий жиҳатлар аҳоли учун турар жой бинолари қуриш, ижтимоий соҳада ислоҳотлар ўтказиш, транспорт соҳасидаги нархларнинг ошишини чеклаш, шунингдек Ҳитроу аэропортининг кенгайтирилишини тўхтатиш эди.

Унинг рафиқаси Саадия Аҳмад ҳам юрист, улар икки қизни тарбиялашган.

Хоннинг сайловдаги асосий рақиби консерваторлар вакили Зак Голдсмит бўлиб, у сайловнинг дастлабки натижаларига кўра (98,7 фоиз овоз ҳисобланганда), 44 фоиз тўплаган Хондан 9 фоизга камроқ овоз олганди. Голдсмит ҳозирги мэр Борис Жонсоннинг тарафдори ҳисобланади. Жонсон 2008 йилнинг майидан буён шаҳар мэри сифатида фаолият кўрсатди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71397 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37179 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21532 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81213 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61909 Жамият
Forbes: Бой бўлишдан уялмаган Малкольм Форбс
01:13 709 Lifestyle
Зидан ҳеч қандай музокараларсиз «Реал» билан шартномани узайтиради
00:53 536 Спорт
Бразилияда бортида 70 киши бўлган паром чўкиб кетди
00:20 559 Жаҳон
Германиядаги йўл-транспорт ҳодисасида 44 руминиялик жабрланди
00:17 247 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 532 Маданият
Кўпроқ янгиликлар