2016 йил 9 май куни Қирғизистон пойтахтида Ғалаба куни муносабати билан давлатнинг олий лавозимли раҳбарлари, уруш фахрийлари ва жамоатчилик вакиллари иштирокида Иккинчи жаҳон урушида ҳалок бўлганларни хотирлаш маросими бўлиб ўтади. У куни ҳарбий парад ўтказилмайди, деб хабар қилмоқда РИА Новости агентлиги Бишкек шаҳар матбуот хизмати ахборотига асосланган ҳолда. 

Матбуот хизматининг хабарига кўра, ҳарбий парадлар фақат юбилей йилларида ўтказилади. Бу йилги хотира митингидан сўнг, Республика ҳарбий кучлари бош штаби томонидан ташкил этиладиган ҳарбий дала ошхонасидан аскар бўтқасини таътиб кўриш мумкин бўлади. Ғалаба куни муносабати билан пойтахтда салют берилади. 
Бундан ташқари, шу куни пойтахт шаҳри фуқаролари иштирокида "Ўлмас полк" марши ҳам бўлиб ўтиши режалаштирилган. 

Апрель ойи ўрталаридаги маълумотларга кўра, Қирғизистонда 821 нафар Иккинчи жаҳон уруши қатнашчисидан ташқари 7 минг 997 нафар фронтортида меҳнат қилган меҳнат фахрийси истиқомат қилади. 

Умуман, Иккинчи жаҳон урушига Қирғизистоннинг уруш давридаги аҳолисининг 6 нафардан бири, яъни 300 минг киши сафарбар этилган, уларнинг 95 минги қайтиб келмаган. 100га яқин қирғиз жангчиси вафотидан сўнг ёки тириклигида собиқ иттифоқ Қаҳрамони унвонига сазовор бўлган.