Facebook ижтимоий тармоғидаги “Водители Ташкента” (Drivers.uz) гуруҳи ҳарбийларни “Нуроний” жамғармаси тадбирига олиб боришда кўмак берди

"Нуроний” фахрийларни ижтимоий қўллаб-қувватлаш жамғармаси Хотира ва қадрлаш куни шарафига 5 май куни Тошкент вилояти “Дўрмон боғи” ресторанида табдир ташкиллаштирди. 

“Водители Ташкента” гуруҳи ташаббус кўрсатди ва фахрийларни транспорт билан таъминлаш таклифини берди. Тадбирда 350 нафардан ортиқ уруш ва меҳнат фахрийлари иштирок этди. 

50 нафардан ортиқ кўнгилли ҳайдовчилар ўз вазифаларига жиддий ёндашди: сипо кийимларда, муҳтарам йўловчилар учун ҳарбий йиллар мусиқаларини қўйиб, машиналарини ясатиб келишди. Тадбирдан сўнг ҳайдовчилар фахрийларни уй-уйларига кузатиб қўйишди.