АҚШнинг Бруклин ҳудудидаги Йью-Йорк соҳилларида боши изоляцияланган, оёғи эса цемент билан қопланган эркак жасади топилган. Бу ҳақда Sky News нашри хабар тарқатди.

Тахминларга кўра, кучли тўлқинлар 28 ёшли Петер Мартинезнинг жасадини соҳилга олиб чиққан. Маълумотларга кўра, жасаднинг айнан Мартинез экани унинг танасидаги татуировка орқали аниқланган. 

Нью-Йорк полицияси берган маълумотга кўра, эркак танаси пластик қопга солинган, қўли эса боғлиқ ҳолда бўлган. Ҳозирча улар Мартинез сувга оқизилган пайтда тирик бўлган-бўлмаганини аниқлай олишмаяпти. 

Полиция манбалари берган маълумотга кўра, Мартинез Бруклиндаги G Stone Crip жиноий гуруҳига алоқадор бўлган. Хабар қилинишича, у 30 марта жиноий жавобгарликка тортилган. Унинг жазмани 2016 йилнинг февралида Мартинезнинг йўқолиб қолгани ҳақида хабар берган. 

Маълумот учун, шу кунга қадар АҚШда 1941 ва 1964 йилларда бетон блоклари боғланган жасадлар сув остидан топилган.