Англия чемпионати, 37-тур: Вардининг дубли "Лестер"га навбатдаги ғалабани келтирди ва турнинг қолган натижалари

Спорт 07 Май 2016 10657

Англия чемпионатининг 37-турида муддатдан аввал чемпионликни қўлга киритган "Лестер" ўз майдонида "Эвертон"ни қабул қилди ва навбатдаги ғалабасини қўлга киритди. Учрашув 3:1 ҳисобида якунланди.

Учрашувда 1-голни 5-дақиқада четлатишдан кейин яна сафга қайтган Жейми Варди киритди. 33-дақиқада Энди Кинг лестерликларнинг устунлигини 2 тўп фарқига келтирди. Варди 2-бўлимда иккинчи голини киритди. 88-дақиқада "Эвертон" яримҳимоячиси Кевин Миральяс битта жавоб тўпини киритишга муваффақ бўлди.
Ҳисоб янада каттароқ бўлиши мумкин эди, бироқ Варди 72-дақиқада пенальтини амалга ошира олмади.

"Лестер" жорий мавсумдаги ўзининг охирги уй ўйинини ўтказди. Клаудио Раньери жамоаси 80 очко тўплади. "Эвертон" 44 очко билан 12-ўринда қолди.
Турнинг бу қисмида 6 та учрашув бўлиб ўтди.

"Сандерленд" "Челси"ни мағлуб этди (3:2). "Сандерленд" иродали ғалабаси эвазига мусобақани тарк этиш зонасидан чиқиб, 17-ўринга кўтарилиб олди (35 очко).
"Ньюкасл" эса аксинча, "Астон Вилла" билан дуранг натижадан кейин 18-ўринга тушиб кетди (34 очко). "Сандерленд"да иккита ўйин, "Ньюкасл"да эса битта ўйин захирада бор.

"Астон Вилла" 11 та мағлубиятдан иборат сериясига барҳам берди.

"Вест Хэм" "Суонси"га ютқазди (1:4) ва 6-ўринда қолди. Жамоада 4-ўринни эгаллаш учун ҳали назарий имкониятлар бор: жамоа "Манчестер Сити"дан 5 очко, "МЮ"дан 4 очко ортда қолмоқда ва барча 3 клуб яна иккитадан ўйин ўтказади.

Шунингдек, "Борнмут" "Вест Бромвич" билан дуранг ўйнади (1:1), "Кристал Пэлас" "Сток Сити"ни мағлуб этди (2:1).

Англия Премьер-лигаси. 37-тур

Лестер Сити – Эвертон – 3:1
Голлар:
Варди, 5 (1:0); Кинг, 33 (2:0); Варди, 65 (3:0, пен); Миральяс, 88 (3:1).
Урилмаган пенальти: Варди, 72 (Лестер)

Сандерленд – Челси – 3:2
Голлар:
Коста, 14 (0:1); Хазри, 41 (1:1); Матич, 45+3 (1:2); Борини, 67 (2:2); Дефо, 70 (3:2).
Четлатиш: Терри, 90+5 (Челси)

Вест Хэм Юнайтед – Суонси Сити – 1:4
Голлар:
Рутлеж, 25 (0:1); Айю, 31 (0:2); Юн, 51 (0:3); Кингсли, 68 (1:3, автогол); Гомис, 90+3 (1:4).

Астон Вилла – Ньюкасл Юнайтед – 0:0

Кристал Пэлас – Сток Сити – 2:1
Голлар:
Адам, 26 (0:1); Гейл, 47 (1:1); Гейл, 68 (2:1).

Борнмут – Вест Бромвич Альбион – 1:1
Голлар:
Рондон, 16 (0:1); Ритчи, 82 (1:1).

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 30275 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 43374 Жамият
Time нашри интернетдаги энг нуфузли одамлар кимлигини маълум қилди 
23:22 / 26.06.2017 1247 Жамият
Нидерландияда собиқ турмалар қочқинлар учун бошпанага айлантирилмоқда
23:19 / 26.06.2017 365 Жамият
АҚШда ит яна шаҳар мэри этиб сайланди
22:38 / 26.06.2017 3002 Жамият
Усэйн Болт 2020 йилги Олимпиадада иштирок этиши мумкин
22:35 / 26.06.2017 1031 Спорт
Дайжест: Ўзбекистонда ҳайит байрами, Кореяга кетган ўзбек мигрантларида муаммо, босим остида қолган Telegram ва бошқа хабарлар
22:30 / 26.06.2017 3258 Жаҳон
АҚШ олий суди Трампга мусулмонларга АҚШга киришни қисман тақиқлашга рухсат берди
22:17 / 26.06.2017 1814 Жамият
Хитой стартапи 8 минг долларлик электромобиллар сотишни бошлайди
21:53 / 26.06.2017 2710 Технология
Эрон исботланган газ захиралари бўйича етакчилик қилмоқда
20:48 / 26.06.2017 3938 Иқтисодиёт
Кўпроқ янгиликлар