Финляндияга қочқинларнинг келишига қаршилар Хельсинкида намойиш ўтказишмоқда

Жаҳон 07 Май 2016 1835

Финляндияга қочқинларнинг келишига қарши чиқаётганлар 7 майда пойтахт Хельсинкида норозилик намойишини ўтказишмоқда. Таъкидланишича, Кансалайстори майдонида ўтаётган намойишга бир неча ўнлаб одамлар йиғилган, улар қўлларида фин байроқларини ушлаб олганлар.

Намойиш иштирокчилари финларга муҳожирлардан кўра кўпроқ ўз фуқаролари эҳтиёжларига кўпроқ эътибор қаратишлари кераклигини айтмоқдалар. "Қабул қилиш марказлари – фин бошпанасизларига, террорчилар Финляндиядан даф бўлинг!" деб ёзилган намойиш ташкилотчилари нутқ сўзлаётган саҳнадаги транспарантлардан бирида.

"Қабул қилиш марказларини бошпанасизларга эмас, балки қочқинларга беришни афзал қўришмоқда. Бутун мамлакат бўйлаб шу аҳвол. Муҳожирлар фақатгина осонроқ ҳаёт ва меҳнатсиз олинадиган пулни исташмоқда", деб айтди намойишчилардан бири. "Қочқинлар орасида сурияликлар бир неча фозгина. Биз қочқин-сайёҳлар ҳақида эмас, ўзимиз ҳақимизда қайғуришимиз керак", деб қўшимча қилди у.

Намойиш ташкилотчиларининг фикрича, қочқинларнинг мамлакатда кейинги интеграциясига имкониятлар пастдир, улардан 40 фоизи "параллел мавжуд бўлган ҳамжамиятларга қўшилиши мумкин". Намойишчилар Европа Иттифоқининг Туркия билан визасиз тартибни киритиш режаларидан хавотирланаётганларини билдирдилар. Уларнинг фикрича, "Туркия бундай ҳолда турли устунликларга эга бўлади ".

Баъзи йиғилганлар мамлакат ички ишлар вазири Петтери Орпонинг ишидан норозилик билдирдилар. Уларнинг фикрича, вазир "мамлакатга қочқинларнинг келиши билан боғлиқ вазият ҳақида ёлғон ахборот бермоқда". Улар вазир гўёки "ўз рафиқасини иш билан таъминлаётганига" ишора қилишди: вазирнинг рафиқаси турли хизматлар билан бирга қочқинларга ёрдам бериш билан шуғулланувчи компания ходими ҳисобланади.

Намойиш иштирокчилари " Финляндия барчасидан устун, чегараларни ёпамиз! ЕИдан чиқамиз!" деб ҳайқирганлар.

Айни вақтда тадбир ҳеч қандай кўнгилсиз ҳолатларсиз ўтмоқда. Намойишчилар шаҳарнинг маркази бўйлаб пиёда юриб ўтмоқчилар.

Финляндия миграция хизмати маълумотларига кўра, мамлакатга 2015 йилда турли давлатлардан, асосан Ироқдан 32,5 мингга яқин қочқин келган. Кўпчилик қочқинлар мамлакатга швед-фин чегараси орқали, бироқ баъзилар Германиядан паромларда ва Россия билан чегара орқали келишган. Мамлакат ҳукуматининг баҳолашича, келганлардан учдан икки қисмига бошпана бериш рад этилиши мумкин.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 17512 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48010 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21958 Ўзбекистон
Наманган вилоятида тадбиркорлар олдида турган муаммолар бартараф қилинмоқда
«Ливерпуль» Коутиньо трансфери сериалини якунладими?
20:51 161 Спорт
Xiaomi Bluetooth'ли "ақлли" кроссовкаларни яратди
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 1269 Жамият
Қозоғистонлик теннисчи мураббийига: «Аҳмоқона илжайишинг билан кўзимдан йўқол»
20:20 2124 Спорт
Трамп махфий хизмат иш ҳақи фондининг бир йиллик пулини сарфлаб бўлди
20:05 1284 Жаҳон
Artel Technical School «Келажак мактаби» ўқув нархларини пасайтирмоқда!
20:02 1590 Жамият
Кўпроқ янгиликлар