Куба пойтахти кўчаларидаги икки ҳафталик югур-югурлардан сўнг 6 май куни Ҳаванада Американинг афсонавий "Форсаж" фильмининг саккизинчи қисмини суратга олиш ишлари якунланди. Минглаб кубаликлар Ҳолливуд жангари фильмининг иш жараёнида иштирок этишди.

Фильмнинг бош роль ижрочилари Мишель Родригес ва Вин Дизель киношоуга ўзига хос жило беришди. Уларнинг жамоат жойларида ва хусусий муассасаларда тез-тез пайдо бўлиши кубалик кўплаб машҳурлар "овчилари"ни беҳад қувонтирди. 

Маҳаллий киносеварлар учун бир неча эпизодларда суратга тушган актриса Шарлиз Тероннинг Ҳаванага келиши кубаликлар учун кутилмаган янгилик бўлди. 

Фильм ишлаб чиқариш ҳақида расмий маълумотнинг камлиги маҳаллий аҳолининг норозилигига сабаб бўлди, чунки суратга олиш жараёнлари туфайли баъзи кўчаларни ёпишга тўғри келди, бу эса Куба кўчаларида автомобиллар тирбандлигини ҳосил қилди. 

"Форсаж-8" фильми премьераси 2017 йилда бўлиб ўтиши кутилмоқда.