Бир қарашда Trocadero Fixie ҳудди классик кўринишдаги велосипедга ўхшайди ва унинг ҳеч қандай ажралиб турувчи ҳусусиятлари йўқдек туюлади. Бироқ махсус қулф олиб ташлангач, велосипед  ноодатий ҳийлани амалга ошира бошлайди – рул қисми ўзини одатдагидек тутаверади, орқа қисм эса белгиланган бурилишга қараб томондан томонга ҳаракатлана бошлайди.

Ишлаб чиқарувчиларнинг таъкидлашича, ғайриоддий велосипед ноанъанавий тарзда ҳайдалишига қарамай, ўз вазифаларини аъло даражада уддалайди ва йиқилиш ҳолатларини бартараф этади. Велосипедчилар  Trocadero Fixie’га мослашишлари ва уни букилган ҳолатда ҳам бошқаришни ўрганишларига тўғри келади. Янги ихтиро дағал йўллар устида ҳаракатланишга мўлжалланмаган бўлса-да, ўзининг ғайритабиий ва кулгили бошқарилиши билан атрофдагилар эътиборини жалб эта олади.