АҚШда ўтказиладиган Powerball лотереясининг 429 млн долларлик жек-поти ютиб олинди, деб хабар бермоқда Reuters.

Ҳозирча аниқланишича, лотерея чиптаси Нью-Жерсида сотиб олинган. Маълум бўлишича, бу лотерея тарихида тўққизинчи энг катта ютуқдир.

Powerball дан ютиш имконияти 292 млн.тага биттани ташкил этади. Шуни алоҳида таъкидлаш керакки, АҚШликлар бу лотереядан ютиш имкониятидан кўра, мамлакат президенти бўлиш имконияти 25 баробарга ошиқдир.