Австралия бош вазири Малкольм Тернбулл 8 май куни мамлакат қонун ишлаб чиқувчи органи бўлмиш парламентнинг ҳар икки палатаси ҳам тарқатиб юборилишини тасдиқлади. Янги парламентга сайловлар 2 июлда бўлиб ўтиши режалаштирилган.

"Генерал-губернатор парламентнинг ҳар икки палатаси тарқатиб юборилиши ва янги парламентга сайловлар 2 июлда ўтказилиши ҳақидаги таклифимни қабул қилди ", — деган бош вазир.

Аввалроқ у мамлакат парламенти палаталарини тарқатиб юборишга ҳозирлик кўришни айтган эди.