Pokistonning Karachi shahridagi restoranlardan birida granata portlatilishi oqibatida 12 kishi jarohat oldi. Xitoyning "Sinxua" axborot agentligining xabar berishicha, jarohatlanganlar orasida 3 bola bor.
Jarohatlanganlardan kamida 2 nafarining ahvoli juda og‘ir. Politsiyaning aniqlashicha, ikki kimsa restoranga mototsiklda yaqinlashib, unga granata uloqtirib, qochib ketgan.
Ayni vaqtda mamlakatdagi birorta ekstremistik guruh ushbu bosqinchilik uchun javobgarlikni o‘z zimmasiga olmadi.
