Диего Симеоне: "Футболнинг жозибаси шундаки, Чемпионлар Лигаси финалчиси чемпионат аутсайдерига ютқазиши мумкин"

Спорт 09 Май 2016 3425

"Атлетико" футбол клубининг бош мураббийи Диего Симеоне "Леванте"га қарши кечган учрашув ҳақидаги фикрлари билан ўртоқлашди. Испания чемпионатининг 37-туридан ўрин олган учрашув мадридликларнинг 2:1 ҳисобидаги мағлубияти билан якунланди. Жамоа бу мағлубияти сабабли чемпион бўлиш учун барча имкониятдан маҳрум бўлди.

"Бизга иккинчи тўпни киритиш учун истак етмади, деб ҳисобламайман. Биз учрашувни ёмон бошламадик, бироқ шу тарзда давом эттира олмадик. Рақиб яхши ҳимояланди.

"Леванте" учрашувнинг охиригача курашди. Футболнинг жозибаси ҳам шундаки, Чемпионлар Лигаси финалчиси чемпионат аутсайдерига ютқазиши мумкин.

Биз Чемпионлар Лигасининг яримфиналидан кейинги чарчоғимиздан ўзимизни оқлаш учун фойдалана олмаймиз. Биз бу мавсумни яхши тугатмоқдамиз, "Атлетико" "Реал" ва "Барселона"дан бироз ортда қолди. 

Якуний тур олдидан чемпион бўлиш учун барча имкониятни йўқотганимиз албатта алам қилади.
Ўйинчиларга уларнинг бу мавсумдаги ўйинларидан фахрланишимни айтдим. Энди мавсумни иккинчи бўлиб тугатишга ҳаракат қиламиз. Чемпион борасида қайсидир жамоани афзалроқ кўраманми? Йўқ", деб айтди Симеоне.

Кўпроқ янгиликлар