8 май куни Хитойнинг Тайнин уездидаги (Шарқий Хитой, Фуцзянь вилояти)  қурилиш майдончасида юз берган ер кўчкиси туфайли қурбон бўлганлар сони 31 нафарни ташкил қилмоқда. Бу ҳақда Синьхуа агентлиги хабар тарқатган.

Охирги хабарларда бу ҳодиса туфайли 19 кишининг ўлими қайд этилгани ва 13 киши бедарак кетгани ҳақида хабар берилганди.

Қутқарувчилар охирги соатларда бир кишини харобалар остида чиқариб олишган.

Ер кўчкиси 8 май куни эрталабки пайт кучли ёмғирлар оқибатида содир бўлди. 100 минг куб метр лой ва тоғ жинси маҳаллий гидроэлектростанциясининг қурилиш майдончасига қоя бўйлаб пастга ўпирилиб тушган ҳамда ишчилар тунаётган турар-жой ва маъмурий бинони босиб қолган.Ҳудудда қутқарувчилар ва полиция вакиллари иш олиб боришмоқда.Мамлакат раҳбари Си Цзиньпин жабрланганларга ёрдам бериш бўйича кўрсатма берган. У шунингдек, шунга ўхшаш ҳодисаларнинг иложи бор қадар такрорланмаслигини таъминлаш учун тегишли текширувлар ўтказиш бўйича масъул амалдорларга вазифа юклаган.