Халқаро Футбол Ассоциациялари Кенгашининг (IFAB) футбол қоидаларига киритилган ўзгартиришларни тасдиқлади.

Эндиликда пенальти зарбасини ижро этиш вақтида ҳаракатланиш ритмини ўзгартирганлик учун жазо чоралари кучайтирилган.

Маълум қилинишича, энди ўйин ҳакамлари 11 метрлик жарима зарбасини ижро этиш учун нуқтага яқинлашаётган футболчиларнинг ҳаракатланиш тезлигини диққат билан кузатади ва ҳаракат ритми ўзгарган тақдирда футболчига сариқ карточка кўрсатилиши ва жарима зарбаси бекор қилиниб, тўп рақиб томонга берилиши мумкин бўлади.

Бундан ташқари, ўйин ҳакамлари футболчиларни ўйин бошланишидан олдин майдонга тушиб келиш вақтида жанжаллашгани учун қизил карточка билан жазолаши мумкин. Лекин бу ҳолатда қизил карточка олган футболчи ўрнини асосий таркибда бошқа футболчи тўлдириши мумкин бўлади.