Украина президенти Пётр Порошенко Киевда уруш фахрийлари билан учрашувда украиналик ҳарбийлар иштирокисиз Иккинчи жаҳон урушида ғалабага эришиб бўлмасди, деб айтди.

"Рад қилиб бўлмайдиган бундай тарихий далиллар борида Россия урушни Украинасиз юта оларди деб қандай қилиб сурбетларча айтиш мумкин. Бу урушни украиналикларсиз юта олмасдилар", деб Порошенконинг сўзларини келтирмоқда унинг матбуот хизмати.

Порошенко Украинанинг Ғалабадаги ролини ким шубҳа остига қўяётганига аниқлик киритмаган.

Россиялик расмий шахслар бу умумий ғалаба бўлганини бир неча бор таъкидлашган. Хусусан, Россия президенти Владимир Путин барча миллатларнинг жасоратини ёдда сақлаш кераклигини, Россия Давлат думаси спикери Сергей Наришкин эса Шўро армиясининг зобит ва аскарларида ягона ватан бўлгани ва "фронтдагиларни рус ва арман, украин ва қозоқ, татар ва грузинларга бўлиш ҳеч кимнинг хаёлига ҳам келмагани" айтиб ўтганлар.