Россиялик марҳум мухолифатчи Борис Немцовнинг қизи Жанна Немцова Deutche Welle телерадиокомпаниясида янги муаллифлик кўрсатувини олиб боришни бошлайди. Бу ҳақда телерадиокомпаниянинг твиттерида маълум қилинди. 

«#НемцоваИнтервью — Жанна Немцованинг DW’даги янги муаллифлик кўрсатуви», — дейилмоқда хабарда.

Таъкидланишича, кўрсатувнинг биринчи сони 10 майда намойиш қилинади. Немцованинг меҳмони ёзувчи Борис Акунин бўлади.

Аввалроқ АҚШ Давлат котиби Жон Керри 14 аёл қаторида Жанна Немцовага ҳам халқаро мукофот бериши маълум қилинганди.