Ўзбекистон Республикаси Давлат мустақиллигининг йигирма беш йиллиги муносабати билан Сурхондарё вилоятидаги таълим муассасаларида маданият ва санъат намоёндалари томонидан ўтказилган “Ким эдигу ким бўлдик, эртага қандай юксак марраларни эгаллашимиз керак?” мазмунидаги тарғибот тадбирлари ўтказилмоқда.

Жорий йилнинг 2-7 май кунлари Сурхондарё вилоятининг 1 та шаҳар ва 13 та туманида, яъни Термиз шаҳри, Термиз, Ангор, Музробот, Жарқўрғон, Сариосиё, Шўрчи, Олтинсой, Денов, Узун, Шеробод, Бойсун, Қизириқ ва Қумқўрғон туманларидаги 294 та умумтаълим мактабида, 75 та касб-ҳунар коллежи ва 4 та академик лицейида, 1 та олийгоҳда, 8 та маданият ва аҳоли дам олиш маркази, 3 та маданият ва истироҳат боғида, 10 та ҳарбий қисмлар (9206-сонли, 11506-сонли, 12-пост, 49543-сонли, 9220-сонли, 7 ва 8 постлар, 42278-сонли, 9221-сонли, 36691-сонли, 49509-сонли )да ҳамда Жарқўрғон туманидаги “Сурхон Текстил”АЖ корхонаси ва Термиз шаҳридаги “Ёшлар маркази”да юқори савияда ўтказилди.

Тарғибот тадбирлари давомида ёшларни ватанпарварликка ундовчи, тинчлик ва осойишталикни кўз қорачиғидек асрашга даъват этувчи, шунингдек ғаразли ғоялар ва турли кучларнинг жинояткорона ҳаракатларни фош этувчи 800 дан зиёд DVD дискларга ёзилган “Гумроҳлар”, “Сотқин”, “Балли Камолиддин!”, “Шунқорлар” “Одноклласаник-ру”, “Ажал жодуси”, “Барон” каби бадиий фильмлар, “Ким эдигу ким бўлдик” мавзусидаги ролик Термиз шаҳри, Термиз, Ангор, Музробот, Жарқўрғон, Сариосиё, Шўрчи, Денов, Олтинсой, Узун, Шеробод, Бойсун, Қизириқ ва Қумқўрғон туманларидаги  294 та умумтаълим мактабларида, 1 та “Меҳрибонлик уйи”да, 75 та касб-ҳунар коллежи ва 4 та академик лицейларда, 1 та олийгоҳда, 8 та Термиз шаҳар, Жарқўрғон, Музработ, Сариосиё, Шўрчи ва Узун, Шеробод, Бойсун ва Қизириқ туманларидаги маданият ва аҳоли дам олиш марказларида тарқатилиб, намойиш этилди.

Кун якунида маданият ва аҳоли дам олиш марказлари ва маданият ва истирохат боғларида маданий-маърифий тарғибот тадбирларига 33 372 нафар уюшмаган аҳоли иштироки таъминланди.