Жазоирда қуриладиган улкан масжиднинг лойиҳаси суратлари пайдо бўлди

Жаҳон 09 Май 2016 14874

Жазоирда катталиги жиҳатидан дунёда учинчи ўринни эгаллаши кутилаётган масжид бунёд этилмоқда.

«Жамаа ал-Жазаир» масжиди бир вақтнинг ўзида 120 минг нафаргача мусулмонни ўз бағрига сиғдира олади ва миноралар узунлиги 265 метрга етади.

Шунингдек, мажмуадан 300 нафар талаба таҳсил олишига мўлжалланган ўқув маркази ва бир неча миллионлик китоб фондига эга кутубхона ҳам ўрин эгаллайди. Унда Қуръонни ўқитиш мактаби, ислом санъати ва тарихи музейи ҳам жойлашади.

Қурилиш ишлари 2017 йилда тугалланиши режалаштирилмоқда. 

Масжиднинг қад кўтариши учун 1,4 миллиард доллар миқдорида пул сарфланади. Бироқ экспертлар лойиҳанинг муваффақиятига шубҳа билдиришди. Уларда Жазоир шаҳри сейсмик хатарли ҳудудда жойлашгани хавотир уйғотмоқда. 2003 йилда содир бўлган сўнгги зилзила тахминан 3 минг кишини ҳаётдан олиб кетганди.

Маълумот учун, ҳозирда Жазоирда 30 мингга яқин масжид мавжуд.

 

Кўпроқ янгиликлар