Японияда ўтган икки ҳафта мобайнида иссиқ уришидан камида 569 киши шифохонага ётқизилган, улардан бири ҳаётдан кўз юмган, деб хабар қилмоқда мамлакат ўт ўчириш, фавқулодда вазиятлар ва тез тиббий ёрдам хизмати. 

Бошқарма маълумотларига кўра, жазирамадан азият чекканларнинг қарийб 40 фоизи кекса кишилардир. Апрель ойи охири май ойи бошларидан бери Япониянинг аксар ҳудудларида ўта иссиқ об-ҳаво ўрнашиб олган. Ҳаво ҳарорати Цельсий шкаласи бўйича 30 даражадан ошиб кетганди. 

Япон метеорологлари эса кишига таскин берувчи хабарларни бераётгани йўқ. Уларнинг фикрича, Тинч океанидаги Эль-Ниньо ва Ла-Нинья иқлимининг таъсири туфайли Япониядаги ҳаво жуда иссиқ бўлиши мумкин. 

Японияда ўтган  йили ҳукм сурган жазирамаларда 100дан ортиқ инсон ҳалок бўлган, 53 минг киши шифохоналарга ётқизилган эди.