Hollivud aktyorlari Yeva Mendes va Rayan Gosling oilasida ikkinchi qiz dunyoga keldi. Bu haqda People xabar qildi.
Ma'lumotlarga ko‘ra, qizaloq 29 aprel kuni Santa-Monikada (Kaliforniya, AQSh) tug‘ilgan. Uni Amada Li Gosling deb atashdi.
Aktyorlarning birinchi qizining ismi Esmeralda Amada. 2014 yilda Mendes Amada – buvisining ismi ekanini aytgandi.
Aktyorlarning vakillari voqeaga izoh berishmadi.
Mendes va Gosling 2011 yildan buyon uchrashishni boshlagandi. Ular “Qarag‘ay ostidagi joy” filmini suratga olish vaqtida tanishib qolishgan.