Германия Мудофаа вазири Урсула фон дер Ляйеннинг маълум қилишича, ҳукумат 1990 йилдан буён илк марта армия ҳажмини ошириш бўйича қарор қилган. Бу ҳақда Frankfurter Allgemeine Zeitung нашри хабар тарқатди.

Қайд этилишича, бундесвер аскарлари 1990 йилдан бери ҳозиргача 585 мингдан 177 минггача камайганди.

Мудофаа вазирлиги хабарига кўра, тегишли қарор асосида яқин 7 йил ичида армияда 14,3 минг аскар ва 4,4 ходим учун қўшимча ўринлар ташкил этилади.

Хабар қилинишича, бу қарор Россия ва НАТО ўртасидаги зиддиятлар фонида қабул қилинди, шунингдек германиялик аскарларнинг хориждаги миссияларда иштирок этиш зарурати ортган.

Бундан олдинроқ, НАТОнинг Европадаги бўлими раҳбари Филип Бридлав Россия Собиқ Иттифоқ қулашидан кейин дунёда ўрнатилган тартибларни қайтадан кўриб чиқишга интилаётгани ҳақида айтиб ўтганди.