Швециянинг Ҳётеборг университети олимлари очлик гормони инсон қабул қиладиган қарорларга қандай таъсир ўтказиши бўйича тадқиқот ўтказишди. Илмий иш билан Neuropsychopharmacology журналида танишиш мумкин. 

Тадқиқот давомида олимлар каламушларга грелин пептид гормони қандай таъсир ўтказишини ўрганишди. Айнан грелин очлик ҳиссини уйғотади, тановул қилинадиган овқат миқдори ва ёғлар массасини оширади. 

Олимлар қўйидагича тажриба ўтказди: лаборатория каламушлари қафасларга жойланди ва рағбат (емиш) эвазига дастакни босишга ўргатилди. Бироқ, агар улар дастакни босмасалар ҳам рағбатлантирилар эди – фақат узоқроқ вақтдан сўнг. “Сабр” учун белгиланган емиш ҳажми бўйича кўпроқ этиб белгиланди. 

Охир-оқибат маълум бўлдики, грелин миқдори ошиб кетган каламушлар, агар сабр қилса кўпроқ емиш олишини билиб турса ҳам, дастакни беихтиёр босаверди. Шунинг асосида олимлар очлик ўйламасдан ва кўп ҳолларда мантиқсиз қарорлар қабул қилишга ундайди, деган қарорга келди.