Тошкентдаги Ғафур Ғулом номидаги маданият ва истироҳат боғида «Соғлом бола – келажагимиз» шиори остида маънавий-маърифий тадбир бўлиб ўтди. Бу ҳақда «ЎзА» хабар бермоқда.  

  Тадбир Ўзбекистон Қизил ярим ой жамияти томонидан ташкил этилди. Унда давлат ва жамоат ташкилотлари вакиллари, санъаткорлар, ёшлар иштирок этди. 

  Ўзбекистон Қизил ярим ой жамияти раиси Ҳ.Каримов «Соғлом она ва бола йили» Давлат дастури доирасида ёш авлод камолотига йўналтирилган қатор тиббий-ижтимоий лойиҳалар амалга оширилаётганини таъкидлади.   

  Тадбир доирасида Қизил ярим ой жамиятининг инсонпарварлик фаолиятига оид лавҳалар намойиш этилди, донорлик бўйича махсус акция уюштирилди. Таълим муассасаларида ташкил этилган «Саломатликнинг ёш дўстлари» тўгараклари ўртасидаги танловнинг якуний босқичи бўлиб ўтди.