Шерпи халқи вакили 11 май куни Эверест чўққисини забт этди. У Непалда содир бўлган вайронкор зилзиладан бир йил ўтиб чўққига чиқишга жазм этган биринчи одам бўлди. Бу ҳақда Рейтер агентлигига асосланиб РИА Новости хабар қилган

“Шерпа Шерра Гиалген Сагарматхи (непалча номи Жомолунгма) чўққисини 17.05 (Тошкент вақти билан 16.20)да забт этди”, - маълум қилди Непал тоғ туризми ассоциацияси раҳбари. 

Аввалроқ Эверестни биринчи бўлиб япониялик альпинист Нобукази Курики забт этишга уринганди, бироқ ниятини амалга ошира олмай ортига қайтганди. 

Непалда 7,9 магнитудали вайронкор зилзила 2015 йилнинг 25 апрелида содир бўлганди. Зилзила ўчоғи 15 километр чуқурликда жойлашган. Тахминан икки ҳафтадн сўнг мамлакат яна 7,3 магнитудали ер қимирлашини бошидан кечирди.

Шундан сўнг яна бир неча зилзила содир бўлди. Энг кучлисининг магнитудаси 6,3 баллни ташкил этди. Сўнгги маълумотларга кўра, ер қимирлаши оқибатида ўртача 9 минг киши нобуд бўлган, 22 мингдан ортиқ инсон жабрланган.