АҚШ миллий жосуслик хизмати директори Жеймс Клэппер Хитойнинг Жанубий Хитой денгизида ҲҲМ (ҳаво ҳужумидан мудофаа) тизимининг таъсир доирасини барпо этиш режаси борасида ишонч билдирмоқда. У The Washington Post газетасига берган интервьюсида шундай фикрни билдирган.

Клэппернинг ҳикоя қилишича, у Осиёга уюштирган сафари чоғида Жанубий Хитой денгизининг ҳарбийлашуви борасида хитойлик ҳамкасблари билан пичинг оҳангида луқма ташлашган. Америка миллий разведкаси раҳбарининг тахмин қилишича, Хитой зиддиятли минтақада ҲҲМ ҳудудини барпо этиш «йўлида ҳаракатланмоқда» ва тез орада бу ҳақда эълон қилади. 

АҚШнинг Аризона штатидан сенатор Жон Маккейн эса, расмий Пекинни Жанубий Хитой денгизидаги хатти-ҳаракатлари туфайли кескин чоралардан огоҳлантирди. 
Ушбу денгиздаги Парасел оролларига ХХР, Тайвань, Бруней султонлиги, Филиппин, Малайзия ва Вьетнам давлати ҳудудий даъво қилиб келади.  Хитой ҳукумати эса, минтақада, хусусан, рифларда сунъий ороллар барпо этиш билан инфратузилмалар ташкил этмоқда. Бундан ташқари, Хитой у ерда ўз жанговар техникаларини жойлаштирмоқда.