Deutsche Welle: Эрдўғанга ҳаммасини очиқчасига айтиш вақти келди

Жаҳон 11 Май 2016 18597

Туркия президенти Ражаб Тойиб Эрдўған ўзини товламачи ва иғвогар сифатида кўрсатди ва Европага унинг тизгинида юришни тўхтатиш вақти келди, деб ёзди Deutsche Welle нашри шарҳловчиси Барбара Везель.

"5 минути кам диктаторга у ҳақда ўйлаётган барча фикрларимизни айтиш вақти келди. Баланд овозда, аниқ ва жилоларсиз", деб айтди шарҳловчи.

Унинг фикрича, Эрдўғанга "бошидан" Европа Иттифоқини шантаж қилишга имкон берган Брюссель ва Анқара ўртасидаги келишувни барбод бўлган деб айтиш мумкин.

Шарҳловчининг айтишича, Эрдўған қишдаёқ қочқинларга чегараларни очиш билан "сурбетларча" Европага таҳдид қилган. Унинг айтишича, ўшандаёқ унинг миясида нималар юз бераётгани аниқ бўлган.

"У қўлларида сиёсий босим дастаклари бор деб ишонади ва бундан ҳеч қандай андишасиз фойдаланади", деб ёзмоқда Везель ва Эрдўған ўзининг асл мақсадларини ҳаттоки яширишга ҳам уринмаётганини айтмоқда.

Журналист Эрдўған эҳтимол европаликлар "ўз қадриятларини қачонгача арзон нархда сотишга тайёр эканликларини" аниқлаш мақсадида уларнинг сабрини синашда давом этмоқда, деб таъкидламоқда.

Туркия президенти каби одамлар билан сиёсий битимлар тузиб бўлмайди, деб айтмоқда Везель. Унинг фикрича, Германия канцлери Ангела Меркель Туркия бош вазири Аҳмет Довудўғлуга ишонганди, бироқ Эрдўған уни истеъфога кетишга мажбур қилгандан кейин Меркель "керакли одамга ишонч билдирмаганини" англаган. 

Везелнинг фикрича, Европа Эрдўған билан муносабатларда "стоп-кранни тортиши керак". Туркия учун ҳеч қандай визасиз тартиб ҳақида умуман гап бўлиши мумкин эмас, чунки Туркия визаларнинг бекор қилиниши учун шартларни аниқ бажармаслигини исботлади.

Журналистнинг қўшимча қилишича, Брюссель Анқара билан қочқинлар борасида битим тузишдан воз кечишига ва миграция инқирозини ҳал қилишнинг ўз йўлларини топишига тўғри келади.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 5670 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 6578 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21718 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50341 Жамият
АҚШ Сурия ҳукуматига кимёвий қурол қўлланилиши юзасидан махсус баёнот билан чиқди
08:24 16 Жаҳон
Ироқ ИШИДдан икки ойдан сўнг бутунлай озод этилиши айтилди
08:20 22 Жаҳон
АҚШда қуёш тутилишини томоша қилаётганларни автомобиль босиб кетди
08:06 380 Жамият
Кобулнинг дипломатик туманида ракета портлади
07:55 192 Жаҳон
АҚШ эсминецининг савдо кемаси билан тўқнашувига сабаб сифатида кибераралашув ҳам кўриб чиқилади  
07:47 142 Жаҳон
Трамп Афғонистонга Американинг 4 минг аскарини юбориш фармонини тасдиқлади
07:40 548 Жаҳон
Кўпроқ янгиликлар