Қимматли кийим-кечак ва аксессуарларни ишлаб чиқарувчилар ўз маҳсулотларининг қалбакилаштирилиши оқибатида жуда катта зиён кўрмоқда. Иқтисодий ҳамкорлик ва тараққиёт ташкилоти (Organisation for Economic Co-operation and Development, OECD) маълумотларига кўра, 2013 йилда 461 млрд. Долларлик ёки бутун жаҳондаги импорт ҳажмининг 2,5 фоизрни ташкил этувчи қалбаки маҳсулотлар чиқарилган. Бундай маҳсулотлар чиқариш борасида Хитой сўзсиз етакчилик қилмоқда (63 фоиз). Қалбакиси чиқадиган энг машҳур бренд Nike бўлиб қолмоқда. Нега қалбаки маҳсулотлар бунчалик оммалашмоқда, деган саволга мутахассислар, уларнинг истеъмолчилар томонидан яхши “кутиб олинаётганида”, деб таъриф беришган.

Бу борада истеъмолчилар икки гуруҳга бўлинади: биринчи гуруҳдаги харидорлар бу каби маҳсулотларни бозорлардан, интернет-дўконлардан сотиб олишади ва маҳсулот ишлаб чиқирилиши ҳақида нотўғри маълумотга эга бўлишади. Иккинчилари эса ўзлари била туриб, ана шундай маҳсулотларни харид қилишади.

Олиб борилган тадқиқотлар шуни кўрсатдики, қалбаки итеъмол маҳсулотларидан энг кўплари алкоголь, сигарет ва болалар озуқасига тўғри келади. Техник маҳсулотлардан Apple ва Vertu гаджетлари кўпроқ қалбакилаштирилади.

Tiffany & Co., Bulgari, Cartier, Pomellato, Chopard компанияларининг қимматбаҳо тақинчоқлари ҳамда Marni, Chanel, Lanvin, Alexander McQueen компанияларининг бижутерия маҳсулотлари энгг кўп қалбакилаштириладиган маркалар, деб топилган.