АҚШ Давлат котиби Жон Керри КХДР ҳеч қачон тан олинган ядровий давлат бўла олмаслигини маълум қилди. Бу ҳақда РИА «Новости» хабар тарқатган.

«Шимолий Корея ҳеч қачон тан олинган ядровий мамлакат бўла олмайди», — деган у.

Унинг қўшимча қилишича, АҚШ Хитой ҳукуматини шимоллик корейслар билан муносабатларида санкциялар қўллашга ундайди.

Бундан олдинроқ, Шимолий Корея конгресси мамлакатнинг ядровий қудратини ошириш бўйича узоқ муддатли дастур қабул қилгани ҳақида хабар берилганди.

Қайд этилишича, КХДР ҳукумати мудофаа мақсадида ядровий салоҳиятини ҳам ҳажман, ҳам сифат жиҳатидан яхшиламоқчи.