Копенгаген университети қошидаги шифохона тадқиқотчилари аниқлашича, ортиқча вазндан азият чекадиган одамлар ҳаётининг сўнгги ўн йилида турли сабабларга кўра, эрта ўлим эҳтимоли пасаяр экан. 

Ўзгаришлар сабаби ҳали аниқ эмас, бироқ олинган натижалар семизликка бўлган қарашларни ўзгартиришга туртки бўлиши мумкин. Тадқиқот натижалари Journal of the American Medical Association журналида чоп этилди. 

Олимлар кам сонли ўлим ҳолатлари билан боғлиқ тана вазни индекси (ТВИ) кўрсаткичларининг ўзгариш динамикасини ўрганиб чиқишди. 

Бунинг учун улар Дания аҳолиси вакилларидан иборат уч гуруҳ кишиларни таҳлил қилишди (1976-1978 йилларда 13 минг нафар, 1991-1994 йилларда 9482 нафар ва 2003-2013 йилларда 97 минг нафар киши). Изланувчилар маълум ТВИга эга одамларда ўлим хавфи йиллар давомида ўзгариш-ўзгармаслигини аниқлашди. 

Мутахассислар ўлим даражаси паст кўрсаткич билан боғлиқ ТВИ аҳамияти кутилмаганда уч ўн йилликда – 1976 йилдан 2013 йилгача учта пунктга ўзгарди ва ҳар квадрат метрга 27 килограммни ташкил этди.

Жаҳон соғлиқни сақлаш ташкилоти маълумотига кўра, ҳар квадрат метр учун 25дан 30 килограммгача бўлган ТВИ ортиқча тана вазни ёки семизлик олди ҳолати ҳисобланади. Биринчи даражали семиз одамларда (ҳар квадрат метр учун 30 килограммдан ортиқ ТВИ) турли сабабларга кўра, ўлим хавфи коэффициенти 1,3дан 1тага камайган.

Натижалар жинси, чекиши, юрак, қон-томир хасталиклари ёки саратон билан боғлиқ касаллик тарихидан қатъи назар барча ёшдагилар учун холис бўлиб чиқди. Шундай қилиб, оптимал ТВИ ҳозирда ортиқча вазнга эга деб ҳисобланувчи одамларга тааллуқли бўлиб чиқади. Агар ушбу хулоса бошқа тадқиқотларда ҳам тасдиқланса, бу ортиқча вазнни хавф туғдирувчи бўлимга киритувчи жаҳон соғлиқни сақлаш ташкилоти классификациясини қайта кўриб чиқишга ишора қилади.