Украинанинг Полтава шаҳрида журналист ўз жонига қасд қилди

Жамият 11 Май 2016 6587

Украинанинг Полтава шаҳри полицияси ўз уйида осилган ҳолда топилган журналист Анатолий Мележикнинг ўлими бўйича Украина жиноят кодексининг "ўз жонига қасд қилишгача олиб келиш" моддаси бўйича жиноий иш очди. Украина ички ишлар вазири маслаҳатчиси, халқ депутати Антон Герашенко бу ҳақда фейсбукда маълум қилди

Мележикнинг фейсбукдаги саҳифасида журналист унинг ўлимида ким айбдор эканлигини ёзган видолашиш пости жойлаштирилган бўлган. Бу пост ўқилгандан кейин, унинг уйига ҳуқуқ-тартибот муассасалари ходимлари келиб, эшикни бузиб киришган ва журналистни ўлик ҳолда топишган.

Герашенконинг айтишича, Мележик ўлим олдидан ёзган постида ўзининг ўлимида маҳаллий интернет-телеканаллардан бирининг раҳбарини айблаган. Журналист билан амалдор ўртасида молиявий ва шахсий ҳаёт билан боғлиқ кескин муносабатлар бўлган.

Таъкидланишича, агар журналистнинг мактубидаги айбловлар исботини топса, унда журналистни ранжитган айбланувчи 5 йиллик қамоқ жазосига тортилиши мумкин. 

Мележик Полтавадаги."Громадське.ТВ" телеканалида журналист бўлиб ишлаган.

Кўпроқ янгиликлар