«Вест Ҳэм» «МЮ» автобусига ҳужум уюштирган мухлисларни бир умрга стадионга киришдан маҳрум қилмоқчи 

Спорт 11 Май 2016 1656

Англиянинг «Вест Ҳэм» клуби раҳбарияти Лондон шаҳри полицияси билан ҳамкорликда «Манчестер Юнайтед» футболчилари жойлашган автобусга ҳужум уюштирган мухлисларни шахсини аниқлаш ва уларни бир умрга футбол учрашувларидан четлатишга ҳаракат қилади. Бу ҳақда клуб расмий сайтида берилган баёнотда маълум қилинган. 

«Бу сеҳрли лаҳзаларга бой ажойиб оқшом эди. Стадионга келган 99 фоиз мухлислар ўзларини мукаммал даражада ахлоқли тутишди. Биз твиттер орқали минглаб мухлислардан мана шундай ажойиб оқшомнинг бир қисми бўлганидан хурсанд эканликлари битилган номалар олдик. 

Шунга қарамай, биз «Болейн Граунд» стадиони атрофида ўзини маданиятсизларча тутган ва «Манчестер Юнайтед» футболчилари автобусига ҳужум уюштирган мухлисларнинг ишини нотўғри деб биламиз. Клуб бу вазиятни шундай қолдирмайди ва тез орада маҳаллий полиция билан ҳамкорликда мазкур воқеада қатнашганларни аниқлаш бўйича тергов ишларида ҳамкорлик қилади ва уларни бир умрга футбол учрашувларидан четлатиш учун ҳаракат қилади», дейилади клуб расмий сайти баёнотида. 

Эслатиб ўтамиз, Англия премьер-лигасининг 35-тур кечиктирилган учрашуви доирасидаги «Вест Ҳэм» ва «Манчестер Юнайтед» жамоалари учрашуви (3:2) олдидан мезбон клуб фанатлари меҳмон жамоа футболчилари жойлашган автобусга шиша идишлар ва тошлар улоқтириб ҳужум қилишган. Нохуш воқеа сабабли учрашув «МЮ» футболчилари чигилёзди машқларини бажара олишлари учун бирозга сурилиб, Тошкент вақти билан соат 23:45да бошланиш ўрнига соат 00:30да бошланганди. 

Бу лондонликларнинг «Болейн Граунд» (собиқ «Аптон Парк») стадионидаги охирги учрашуви эди. Жамоа кейинги мавсумдан Олимпия стадионида уй учрашувларини ўтказа бошлайди. Янги стадион йилига 2,5 млн фунтдан тўлаш шарти билан 99 йил муддатга ижарага олинган. 112 йил давомида хизмат қилган эски стадион эса бузиб ташланади.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 13455 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20738 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10375 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11207 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 38331 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52245 Жамият
23 август куни об-ҳаво иссиқ ҳароратини сақлаб қолади
Атамбоев Қирғизистон бош вазири вазифасини бажарувчини тайинлади
14:25 192 Жаҳон
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 873 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 637 Жаҳон
Кўпроқ янгиликлар