АҚШда бўлиб ўтган кимошди савдосида 1886 йилда ясалган Winchester милтиғи савдога қўйилди. У 1,265 миллион долларга сотилган. Савдоларни  Rock Island Auction Company ташкил этган, деб хабар қилмоқда Luxurylaunches. Нашрнинг таъкидлашича, ўқотар қурол яхши сақланган.

Хабарларга кўра, ушбу винтовка бой тарихга эга. 1886 йилда апачи қабиласи йўлбошчиси Жеронимони ҳибсга олган америкалик капитан Ҳенри Лоутон (Henry Ware Lawton) винтовканинг эгаси ҳисобланади. 1886 йилги намунанинг биринчи рақамли милтиғи Winchester фирмаси томонидан Лоутонга ҳадя қилинган.

Мазкур қурол кўпинча интерьер воситаси бўлиб хизмат қилади. Масалан, австриялик дизайнер Райнер Вебер (Rainer Weber) март ойида Калашников автоматларидан стуллар тўпламини намойиш этган эди.