Буюк британиялик масхарабоз Бен Клоуз намойиш вақтида томошабин Бен Гарнемни нокаутга учратди. "Би-би-си" хабарига кўра, бу ҳодиса Блэквуддаги Circus Zyair циркида рўй берган.

Гарнем томошага оиласи билан келгани айтилган. Коулз уни аренага таклиф қилган ва у билан бирга трюк бажаришни сўраган. Масхарабоз томошабин билан бирга ўмбалоқ ошмоқчи бўлган ва бу ҳаракат муваффақиятсиз чиққан.

Гарнемни аренадан кўтариб олиб чиқиб кетишга тўғри келган.

"Яхшиямки омон қолдим. Мен ўлишим ҳам мумкин эди", дейди жабрланувчи.

Гарнемнинг боши тилинган, юзи шишган, унда бош айланиши қайд этилган.

Томошабинларнинг гувоҳлик беришича, жабрланувчи масхарабозни бу воқеа учун айбламаган, лекин уни аренадан кўтариб олиб чиқишгани унга ёқмаган.