«Челси» ва Adidas кейинги мавсум якунида ҳамкорликни тўхтатиш бўйича келишиб олди

Спорт 12 Май 2016 2105

«Челси» жамоаси кутилмаганда муддатидан аввал Adidas компанияси билан ҳамкорликни тўхтатиши ҳақида маълум қилди. Жамоанинг расмий сайтида хабар қилинишича, компания билан ҳамкорлик 2016-17 йилги мавсум охирида икки томонлама келишув асосида тўхтатилади.

«Биз 2006 йилда ўзаро ҳамкорликни бошлагандик, ўтган вақт давомида қўллаб-қувватлаб келгани учун Adidas компаниясига миннатдорчилик изҳор этамиз. Ўтган 10 йил ичида жамоа Чемпионлар лигаси, Европа лигаси, АПЛнинг 2 мавсумдаги чемпионлиги, Англия Кубогидаги 4та соврин ва Англия Лигаси Кубогидаги 2 марта ғолибликка эришди. Умид қиламизки, кейинги йилдаги ҳамкорлик ҳам манфаатли кечади», — дейилган хабарда.

Қайд этиш керакки томонлар 2013 йилда 2023 йилгача ҳамкорлик қилиш борасида шартнома тузишганди.

Хабарларга кўра, жамоанинг янги ҳамкори Nike компанияси бўлади.

Кўпроқ янгиликлар