Дунё шаҳарлари ҳавоси тобора ифлосланиб бормоқда

Жаҳон 12 Май 2016 13297

Дунё шаҳарларида истиқомат қилувчи 80 фоиздан ортиқ одамлар ифлосланган ҳаводан нафас олади. Бу ҳақда Жаҳон соғлиқни сақлаш ташкилоти (ЖССТ) хабар қилди

Ифлосланган ҳаво муаммосидан дунёнинг кўплаб мамлакатлари азият чекади, бироқ ночор давлатларда бу муаммо, айниқса, кескинлашган. 

ЖССТ маълумотига кўра, аҳолиси 100 мингдан ортиқ, паст ва ўртача даромадли давлатларда жойлашган 98 фоиз шаҳарлар ҳаво сифати бўйича ташкилот стандартларига жавоб бермайди. Юқори даромадли мамлакатларда бундай шаҳарлар кўрсаткичи 56 фоизни ташкил этади. 

Умуман олганда, ЖССТ маълумотлари бўйича, шаҳарларда ҳаво ҳолати ёмонлашмоқда: 2008 йилдан 2013 йилга қадар зарарли моддалар концентрацияси 8 фоизга ошган. Энг ифлосланган шаҳарлар қаторида Деҳли, Қоҳира ва Дакка энг аввалги ўринларни эгаллаган. Осиё шарқий шаҳарлари ҳамда Ўрта Ер денгизи шарқий қирғоғидаги шаҳарларда ҳаво ифлосланиш даражаси ўсиб бормоқда. 

Европа ҳамда АҚШ шаҳарларида эса ҳаво ҳолати яхши томонга ўзгармоқда. ЖССТ нашр этган харитада кўпчилик Европа ва Америка шаҳарлари “яшил зона”да жойлашган – уларнинг атмосферасида зарарли моддалар концентрацияси юқори эмас. 

Хитой ҳамда Ҳиндистоннинг аксарият шаҳарлари “қизил зона”да жойлашган - уларнинг атмосферасида зарарли моддалар концентрацияси юқори даражада. 

Ҳавонинг ифлосланиши йирик шаҳарлар аҳолиси соғлигига жиддий зиён етказади. Масалан, юрак, қон-томир касалликлари, инсульт, нафас йўллари ва ўпка хасталикларига чалиниш хавфини орттиради. 

Ташкилот маълумотига кўра, ҳавонинг ифлосланиши йирик шаҳарлар аҳолисининг ўлим ҳамда касалликларга чалиниш ҳолатларининг асосий сабаби бўлиб қолди. ЖССТ фикри бўйича, бу муаммодан асосан ёшлар, қариялар ва қашшоқ аҳоли кўпроқ азият чекмоқда.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 90674 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 45065 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50640 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8908 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19748 Ўзбекистон
Шимолий Корея АҚШга беражак зарбаларини бир қатор сиёсий плакатларда тасвирлади
23:20 469 Жаҳон
Конте «Челси»га нима етишмаётгани ҳақида гапирди
22:59 732 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 1133 Жамият
Видео: Дэвид Бекҳэм Pro Evolution Soccer 2018’да
22:47 754 Спорт
АҚШ ва Жанубий Корея август охирида ҳарбий машғулотлар ўктазади
22:35 536 Жаҳон
Кўпроқ янгиликлар