Англиянинг "Эвертон" футбол клуби раҳбарияти клубнинг бош мураббийи Роберто Мартинесни ўз лавозимидан бўшатди.

Яқин орада клуб 42 ёшли испаниялик мутахассиснинг истеъфосини расман маълум қилади.

Мартинес "Эвертон"ни 2013 йил июндан бошлаб бошқаришни бошлаган ҳамда клуб тарихида Буюк Британия ёки Ирландиядан бўлмаган биринчи мураббий бўлган. Жамоа испаниялик мутахассиснинг уч йиллик бошқаруви остида бирорта унвон қўлга киритмаган ҳамда Англия чемпионатининг якунланишига бир тур қолганда 12-ўринни эгалламоқда.