Маккаи мукаррамадаги Масжидул Ҳарамнинг ғарбий қисмига дунёдаги энг катта соябонлар ўрнатилади

Мазкур қурилма соя вазифасини бажарадиган 8 та йирик ва 54 та ўртача соябондан иборат. Германияда ишлаб чиқарилган гигант соябонларнинг баландлиги 45 метр бўлиб, ҳар бирининг оғирлиги 16 тоннадир. 8 таси баробар очилганда 2400 квадрат метрни соя қилиб беради. 

Техник хавфсизлик ва электрон тизими жараёнини 25 нафар немис муҳандиси назорат қилиб туради. Бундан ташқари, Ҳарамнинг шимолий тарафга умумий майдони 19 200 квадрат метрни эгалловчи 54 та кичкина соябон ҳам ўрнатилади. 

Лойиҳа бўйича қўшимча 122 та ўриндиқ, соатлар, совутгичлар, ишора қилувчи белгилар ҳамда кузатувчи видеокамералар ишга туширилади. Лойиҳа ниҳоясига етгач, соябон остида 400 000 нафар зиёратчи эмин-эркин ибодат қила олади.

Манба: Muslim.uz