ОПЕК нефть қазиб олиш кўрсаткичини саккиз йилдаги энг юқори кўрсаткичга етказди

Иқтисодиёт 12 Май 2016 4100

Нефть экспорт қилувчи мамлакатлар ташкилоти апрель ойида нефть қазиб олишни кунига 330 минг баррелга ошириб, 32,76 миллион баррелга етказган. Бу 2008 йилдан бери энг юқори кўрсаткичдир. Халқаро Энергетика агентлиги ҳисоботида шу ҳақда маълум қилинмоқда.

Ушбу натижага Эрон, Ироқ ва БААда нефть қазиб олишнинг кўпайиши ҳисобига эришилган. Бу, ўз навбатида, Кувайт ва Нигериядаги нефть қазиб олиниши пасайишининг ўрнини тўлдирган. Саудия Арабистони кунига 10,20 миллион баррель нефть қазиб олган, Эрон ҳиссасига эса 3,56 миллион баррель тўғри келади.

Агентликнинг фикрича, ташкилот ОПЕКнинг июнь ойида бўладиган саммити арафасида нефть қазиб олишни кўпайтиришда давом этади. Шу билан бирга, ХЭА ташкилотга кирмаган мамлакатлар нефть қазиб олишни пасайтиришини тахмин қилмоқда. У кунига 800 минг баррелга камайиб, 56,8 миллион баррелга тушади.

10 май куни, Саудия давлат нефть қазиб олиш компанияси Saudi Aramco раҳбари Амин Нассер подшоҳлик 2016 йили углеводородларни кўпроқ қазиб олиш режаларини ошкор қилган эди.

Шу куннинг ўзида Нигерия нефть вазири Эммануэль Качикву қора олтин қазиб олиш ҳажмини бир ярим баравар ошириб, кунига 2,3-2,5 миллион баррелга етказишини билдирди.

Бугунги кунда ОПЕК таркибига 13 давлат киради: улар орасида Саудия Арабистони, Эрон, Ироқ, БАА, Нигерия ва Венесуэла давлатлари бор.

Кун янгиликлари
Бош прокуратура Гулнора Каримовага нисбатан жиноий иш тафсилотларини ошкор қилди
Ўқитувчилар мажбурий меҳнатга жалб этилиши факт. Барча сукут сақламоқда
21:00 / 26.07.2017 101366 Ўзбекистон
Оққон билан оғриган 5 ёшли бола тезкор ёрдамга муҳтож
17:52 / 24.07.2017 44178 Жамият
Савдо-саноат палатасининг собиқ раиси Лондонга жўнаб кетди
Ички ишлар органи ходимининг мол-мулкига зарар етказилса, унинг ўрни қандай қопланади?
Ўзбекистон Ўш шаҳрида мактаб қуриб беради
Швейцарияда Ўзбекистоннинг Каримова иши бўйича сўрови ўрганилмоқда
Ўзбекистон Хитойга янги элчи тайинлади
ЕИнинг шерик давлатлари Қримга қарши санкцияларни узайтирди
19:15 500 Жаҳон
Марғилонда “Водий ипаги – дунё нигоҳида” деб номланган фестиваль бўлиб ўтди
19:13 281 Жамият
Кўпроқ янгиликлар