Туркия шимоли-ғарбида сайёҳлар минган автобус йўл-транспорт ҳодисасига йўлиқди ва камида 5 киши ҳалок бўлди. Yeni Safak хабарига кўра, бу ҳодиса туфайли 30 киши турли даражадаги тан жароҳатлари олишган.

Бу авария 12 май куни эрталаб Чаноққалъа вилояти ҳудудида рўй берган. Истанбулдан сайёҳларни олиб йўлга чиққан автобус Биринчи жаҳон уруши вақтидаги Дарданелл операцияси учун ўрнатилган ёдгорлик ҳудудига бораётганида йўлдан чиқиб ағдарилган.

Жароҳатланганлар яқин ҳудуддаги шифохонага олиб борилган. Айни вақтда ҳодиса сабаблари ўрганилмоқда.