Ўзбекистонлик талаба саёҳатга шерик топишга ёрдам берадиган мобил дастурни тақдим этди

Технология 12 Май 2016 2850

11 май куни Тошкентдаги «Ўзэкспомарказ»да IX Инновацион ғоялар, технологиялар ва лойиҳалар республика ярмаркаси бошланди.

Анъанавий ўтказиб келинаётган ушбу форум илм-фан ва ишлаб чиқаришнинг интеграциялашувини таъминлайдиган муҳим воситалардан бирига айланди. Жорий йилги ярмаркада тақдим этилган қарийб 650та янги лойиҳанинг 70дан ортиғи ёш олимлар ва талабаларга тегишлидир. 

Олий ўқув юртлари талабалари ярмаркада фаол иштирок этмоқда. Тошкент тўқимачилик ва енгил саноат институти, Наманган муҳандислик-технология институти, Фарғона политехника институти, Тошкент ахборот технологиялари университети ва бошқа олий ўқув муассасалари ўнлаб янги ишланмаларни тақдим этган.

Ярмаркада Тошкент ахборот технологиялари университетининг 4-курс талабаси Шуҳрат Аъзамов ўзи ишлаб чиққан янги мобил дастурни тақдим этди. Бу ҳақда ЎзА хабар берган.

«Мен “Dovezu.uz” янги мобил дастурини ишлаб чиқдим. Бу дастур биргаликда саёҳат қилиш учун ҳамроҳ топишга ёрдам беради», — деди ёш ихтирочи.

Ярмаркада намойиш этилаётган янгиликларнинг 130таси саноат, 116таси қишлоқ хўжалиги соҳасидаги долзарб вазифаларни ҳал этишга қаратилган, 130дан зиёд ишланма ва илғор технологиялар соғлиқни сақлаш ва фармацевтика учун мўлжалланган, 89таси ахборот технологиялари, яна 34таси илм-фан ва таълим соҳасидаги янги дастурий маҳсулотлардир.

Маълумот учун, шу вақтгача ўтказилган саккизта инновацион ярмаркада умумий қиймати 112,6 миллиард сўмлик 3,1 мингдан ортиқ шартнома имзоланган эди. Мазкур шартномаларнинг амалга оширилиши натижасида 59 турдаги янги маҳсулот ишлаб чиқариш йўлга қўйилган, 55 турдаги тажриба намуналари тайёрланиб, 100 дан ортиқ ташкилот, корхона ва фермер хўжалигига илмий-техник ёрдам кўрсатилган.

IX Инновацион ғоялар, технологиялар ва лойиҳалар республика ярмаркасининг очилишида Ўзбекистон Республикаси Бош вазирининг ўринбосари У.Розуқулов сўзга чиқди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 16031 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 12016 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47517 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21625 Ўзбекистон
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8985 Ўзбекистон
21 августдаги қуёш тутилиши қачон бошланади
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 147 Жамият
Анатолий Антонов Россиянинг АҚШдаги элчиси лавозимига тайинланди
19:01 231 Жаҳон
Ҳаётни мураккаблаштирувчи 10 хато
19:00 828 Lifestyle
Андижон шаҳрида 12 та байрам олди ярмаркаси иш бошлади
18:55 135 Жамият
Кўпроқ янгиликлар