O‘zbekiston milliy banklararo to‘lov xizmati bo‘lmish Uzcard tizimida bugun, 12 may kuni soat 10:55dan boshlab aloqa uzilishi kuzatilmoqda. Bu haqda Yagona umumrespublika protsessing markazining rasmiy saytida xabar qilingan.
Xabar qilinishicha, ATSdagi tarmoq uskunalarining nosozliklari tufayli onlayn terminallarining protsessing markazi bilan aloqasi vaqtinchalik uzilgan.
Markaz vaqtinchalik noqulayliklar uchun uzr so‘rab, mijozlarga xizmat ko‘rsatishni tezda qayta yo‘lga qo‘yish uchun barcha zarur choralarni ko‘rayotganini ma'lum qildi.